اس سال گوگل پر ’’یہ کیسے کریں‘‘ کے حوالے سے سرچ کی گئی ٹاپ ٹین فہرست میں دادی کے مرنے سے پہلے لکھ پتی کیسے بنیں کی ترکیب سرچ کی گئی۔
گوگل دنیا کا سب سے بڑا اور مقبول سرچ انجن ہے جہاں ایک ذرے سے لے کر بڑی سے بڑی چیز کی تلاش کی جاتی ہے۔ اکثر لوگ شخصیات، کھیلوں، کھانوں کی تراکیب سمیت کسی کام کو معلوم کرنے کا طریقہ بھی سرچ کرتے ہیں۔
سال 2024 کے اختتام پر گوگل نے پاکستان کے ٹاپ سرچ ٹرینڈز کا اعلان کیا۔ اس میں ایک ’’کیسے کریں؟‘‘ کے عنوان سے بھی ٹاپ ٹین سرچنگ شامل ہے، اور اس میں دوسرے نمبر پر جو سب سے زیادہ ترکیب معلوم کی گئی ہے وہ ’’دادی کے مرنے سے پہلے لکھ پتی بننے کی ہے۔
گوگل کی جانب سے جاری کی گئی اس فہرست کے مطابق پاکستانیوں نے جاننے کے لیے سب سے زیادہ ’’پولنگ اسٹیشن کو کیسے چیک کریں۔‘‘ سرچ کیا۔
پاکستان میں رواں برس 8 فروری کو عام انتخابات ہوئے تھے اور اکثر ووٹرز موبائل فون سروس بند ہونے کے باعث اپنے پولنگ اسٹیشن تلاش کرتے رہے تھے اور بڑی تعداد نے اس کے لیے گوگل سے مدد لی ہوگی۔
دوسرے نمبر پر جو ترکیب سب سے زیادہ سرچ کی گئی وہ دادی کے مرنے سے قبل لاکھوں کیسے کمائے جائیں کی ترکیب رہی۔
گوگل سے پوچھی گئی ٹاپ ٹین تراکیب کی فہرست درج ذیل ہے۔
1. پولنگ سٹیشن کو کیسے چیک کریں۔
2. دادی کے مرنے سے پہلے لاکھوں کیسے کمائے جائیں۔
3. استعمال شدہ کار کیسے خریدی جائے۔
4. پھولوں کو زیادہ دیر تک کیسے بنایا جائے۔
5. پی سی میں یوٹیوب ویڈیوز کیسے ڈاؤن لوڈ کریں۔
6. بغیر سرمایہ کاری کے کیسے کمایا جائے۔
7. اپنے چار سالہ بچے کو اشتراک کرنا کیسے سکھایا جائے؟
8. جینز سے گھاس کا داغ کیسے نکالا جائے۔
9. گھٹنے کی چوٹ کے بعد دوبارہ ورزش کیسے شروع کی جائے۔
10. ورلڈ کپ لائیو کیسے دیکھیں
