اسلام آباد : سپریم کورٹ نے پریکٹس پروسیجرآرڈیننس کیخلاف دائردرخواستیں خارج کردیں ، جسٹس امین الدین خان نے ریمارکس دیے پریکٹس پروسیجر آرڈیننس ختم ہو چکا ہے۔
تفصیلات کے مطابق سپریم کورٹ میں پریکٹس پروسیجرآرڈیننس کیخلاف دائر درخواستوں پر سماعت ہوئی، آئینی بینچ نے پریکٹس پروسیجر آرڈیننس کیخلاف درخواستوں کو مسترد کرنے کا فیصلہ دیا۔
جسٹس امین الدین خان نے ریمارکس دیے پریکٹس پروسیجر آرڈیننس ختم ہو چکا ہے، جسٹس محمد علی مظہر نے کہا کہ آرڈیننس کے بعد پریکٹس پروسیجر میں پارلیمنٹ نے قانون سازی کردی۔
جس پر وکیل درخواست گزار نے استدعا کی آرڈیننس کے تحت کمیٹی کے ایکشن کو کالعدم قرار دیا جائے، جسٹس جمال مندوخیل نے کہا کہ قانون آجائے تو آرڈیننس خود بخود ختم ہو جاتا ہے، آئین صدر پاکستان کو آرڈیننس جاری کرنے کا اختیار دیتا ہے۔
جسٹس محمد علی مظہر کا کہنا تھا کہ آرڈیننس کے تحت بنی کمیٹی ختم ہو گئی، کمیٹی کے فیصلوں کو پاس اینڈ کلوز ٹرانزیکشز کاتحفظ ہے۔
یاد رہے چیئرمین تحریک انصاف بیرسٹرگوہر نےآرڈیننس کوچیلنج کیا تھا جبکہ افراسیاب خٹک ،احتشام الحق اوراکمل باری نےبھی درخواستیں دائر کی تھیں۔
