یہ بھی پڑھیں: اسپیکر ٹھیک کروانے کیلیے پیسے نہ دینے پر بیٹے کے ہاتھوں ماں قتل

حکام نے بتایا کہ 11ویں جماعت کے طالب علم نے مقتولہ کو 3 دسمبر کی صبح دھکا دیا اور ان کا سر دیوار سے جا ٹکرایا تھا۔

پولیس سپرنٹنڈنٹ (نارتھ) جتیندر کمار سریواستو نے کہا کہ دو گھنٹے کی پوچھ گچھ کے بعد ملزم نے اعتراف کیا کہ اس نے اپنی ماں کو جھگڑے کے دوران دھکا دیا تھا جس کے نتیجے میں سر پر گہری چوٹ آئی تھی۔

جب لڑکے کے والد نے دیکھا کہ مقتولہ کا فون دو دن سے بند ہے تو انہوں نے اپنی بھابھی کو گھر بھیجا، گھر کو باہر سے تالا لگا ہوا تھا اور اگلی شام وہ خود آئے، انہوں نے تالا کھول کر اندر دیکھا تو اہلیہ کی لاش پڑی تھی۔

پولیس کے مطابق تفتیش کے دوران کم عمر پر شک ہوا کیونکہ گھر میں دو مقامات پر خون کے دھبے پائے گئے جس سے ظاہر ہوتا ہے کہ لاش کو گھسیٹا گیا تھا۔

انہوں نے مزید کہا کہ سی سی ٹی وی فوٹیج سے پتا چلتا کہ کوئی باہر کا شخص گھر میں داخل نہیں ہوا، ہم نے گھر سے 500 روپے، 200 روپے اور 100 روپے کی بڑی مقدار میں نقدی برآمد کی۔

ملزم نے تفتیش میں بتایا کہ مقتولہ اسے اسکول کیلیے جگا رہی تھیں کہ اس نے دھکا دیا۔ جب ملزم نے انکار کیا تو پیسوں پر جھگڑا شروع ہوگیا اور مقتولہ نے مایوسی میں اس پر نقدی پھینکی۔

پولیس کے مطابق ملزم نے والدہ کی لاش کے ساتھ 4 دن گزارے اور لاش کی بدبو کو پھینلنے سے روکنے کیلیے لکڑیاں جلائیں تاکہ لوگوں کو معلوم نہ ہو سکے۔

جس دن ملزم کے والد تالا کھول کر گھر میں داخل ہوئے تھے اُس سے قبل ہی وہ قریبی مندر میں جا کر بیٹھ گیا تھا تاکہ کسی کو بھی اس پر شک نہ ہو۔