چیمپئنز ٹرافی کے تمام معاملات کل آئی سی سی کی ورچوئل میٹنگ میں طے ہونے کا امکان ہے۔
اے آر وائی نیوز کے مطابق آئی سی سی چیمپئنز ٹرافی کے معاملات طے کرنے کے لیے آئی سی سی ورچوئل میٹنگ کل ہوگی جس میں تمام معاملات طے ہونے کا امکان ہے۔
ذرائع کا کہنا ہے کہ چیمپئنز ٹرافی ہائبرڈ ماڈل کے تحت ہوگی، بھارت اپنے میچز دبئی میں کھیلے گا۔
چیمپئنز ٹرافی کا فائنل کہاں ہوگا، کل ورچوئل میٹنگ میں حتمی فیصلہ کیا جائے گا، پاکستان کا مطالبہ ہے بھارت نہ پہنچا تو فائنل لاہور میں کھیلا جائے گا۔
ذرائع کا بتانا ہے کہ 2026 کے ٹی 20 ورلڈ کپ پاکستان بھارت نہیں جائے گا اور میچز کولمبو میں ہوں گے۔
آئی سی سی چیئرمین جے شاہ بھی آسٹریلیا سے ورچوئل میٹنگ میں شامل ہوں گے، پاکستان کو 2027 کے بعد خواتین کی آئی سی سی ٹورنامنٹ کی میزبانی ملنے کا امکان ہے۔
اس سے قبل بھارتی میڈیا نے دعویٰ کیا کہ انٹرنیشنل کرکٹ کونسل (آئی سی سی) نے چیمپئنز ٹرافی کے لیے ہائبرڈ ماڈل کی منظوری دے دی۔
بھارتی میڈیا کا کہنا ہے کہ پاکستان ٹیم 2026 کے ٹی 20 ورلڈ کپ کے لیے بھارت نہیں جائے گی، چیمپئنز ٹرافی 2025 کے مقابلے پاکستان اور دبئی میں کھیلے جائیں گے۔
پی سی بی اور بی سی سی آئی بھارت کے مقابلے دبئی میں کرانے پر رضامند ہے جبکہ ٹی 20 ورلڈ کپ 2026 میں پاکستان اور بھارت کا مقابلہ کولمبو میں ہوگا۔
بھارتی میڈیا کا کہنا ہے کہ پی سی بی اس معاہدے کے لیے کوئی مالی معاوضہ وصول نہیں کرے گا، چیمپئنز ٹرافی کے مقابلے پاکستان میں تین وینیوز اور بھارت کے مقابلے دبئی میں ہوں گے۔
پاکستان کو 2027 کے آئی سی سی ویمنز ٹورنامنٹ کی میزبانی بھی ملے گی۔
