اسلام آباد بھر میں 16 دسمبر کو عام تعطیل کا اعلان کر دیا گیا۔
ڈپٹی کمشنر اسلام آباد عرفان نواز میمن نے عام تعطیل سے متعلق نوٹیفکیشن جاری کر دیا ہے جس کے مطابق ضلع بھر میں کل تمام تعلیمی ادارے بند رہیں گے۔
سانحہ آرمی پبلک اسکول پشاور کے شہدا کی یاد میں تعطیل کا نوٹیفکیشن جاری کیا گیا ہے۔
راولپنڈی
اس سے قبل راولپنڈی ضلع کے تمام تعلیمی اداروں میں کل عام تعطیل کا اعلان کیا ہے جس کا نوٹیفکیشن بھی جاری کردیا گیا۔
ڈپٹی کمشنر راولپنڈی کی جانب سے جاری کردہ نوٹیفکیشن کے مطابق 16 دسمبر کو ضلع بھر میں تمام تعلیمی ادارے بند رہیں گے۔
لاہور
ڈی سی لاہور نے اعلان کیا ہے کہ کل بروز 16 دسمبر شہر کے تمام پبلک و پرائیویٹ سکول و کالجز بند رہیں گے جب کہ تمام یونیورسٹیاں کھلی رہیں گی۔
سندھ
سندھ حکومت نے 2 دن کی چھٹی کا اعلان کردیا، اس حوالے سے صوبائی حکومت کی جانب سے نوٹیفکیشن بھی جاری کر دیا گیا ہے۔
جس میں کہا گیا ہے کہ 25 دسمبر بروز بدھ قائداعظم محمد علی جناح کے یوم پیدائش کے موقع پر تمام سرکاری دفاتر میں عام تعطیل کا اعلان کیا ہے جبکہ مسیحی ملازمین کے لیے کرسمس کے سلسلے میں 26 دسمبر کو چھٹی کا اعلان کیا گیا ہے۔
