پاک فوج کی ویٹ لفٹنگ ٹیم نے قائد اعظم نیشنل ویٹ لفٹنگ چیمپین شپ 2024 لاہور میں کامیابی کا نیا سنگ میل عبور کر لیا ہے۔
تفصیلات کے مطابق پاک فوج کی ویٹ لفٹنگ ٹیم نے قائد اعظم نیشنل ویٹ لفٹنگ چیمپین شپ 2024 لاہور میں کامیابی کا نیا سنگ میل عبور کر لیا ہے، بہترین کارکردگی پر پاک فوج کے ویٹ لفٹرز پہلی پوزیشن کے حقدار قرار پائے۔
قائد اعظم نیشنل ویٹ لفٹنگ چیمپین شپ لاہور میں منعقد ہوئی، پاکستان ویٹ لفٹنگ فیڈریشن کے زیر انتظام ویٹ لفٹنگ چیمپین شپ میں آرمی ویٹ لفٹنگ ٹیم نے 4 گولڈ میڈلز، 4 سلور میڈلز اور 2 براؤنز میڈلز جیتے۔
آرمی ویٹ لفٹنگ ٹیم پہلی پوزیشن کے حقدار ٹھہری،آرمی، واپڈا، ریلویز، پنجاب، سندھ، بلوچستان، کے پی، اسلام آباد، ایچ ای سی، اے جے کے اور پولیس کی ٹیمز نے بھی مقابلے میں حصہ لیا، تمام ٹیمز نے ویٹ لفٹنگ چیمپین شپ میں بھرپور جوش و خروش کے ساتھ حصہ لیا۔
