مہنگی آئی پی پیز کیساتھ بجلی خریداری کے معاہدوں سے متعلق ایک اور پیشرفت سامنے آگئی۔
ذرائع کے مطابق حکومت نے مزید ایک آئی پی پی کے ساتھ بجلی خریداری کا معاہدہ ختم کرنے کا فیصلہ کر لیا۔ نجی بجلی گھر کے ساتھ معاہدہ ختم کرنے پر معاملات طے پاگئے ہیں۔
ذرائع نے بتایا کہ پاک جین پاور پلانٹ کے ساتھ بجلی خریداری کا معاہدہ ختم کیا جائےگا۔ نجی بجلی گھر 365 میگاواٹ صلاحیت کا حامل آئی پی پی ہے۔ معاہدہ ختم کرنےکےنتیجےمیں اربوں روپےکی بچت متوقع ہے۔
نجی بجلی گھر 1994 کی پاور پالیسی کے تحت لگایا گیا تھا۔
گوہر اعجاز کا آئی پی پیز سے متعلق نیا بیان سامنے آگیا
حکومتی ذرائع کا کہنا ہے کہ وفاقی حکومت مختلف آئی پی پیز کیساتھ معاہدوں پر نظرثانی پر کام کر رہی ہے۔ وفاقی کابینہ نے اکتوبر میں 5 آئی پی پیز کیساتھ بجلی خریدنے کے معاہدے ختم کر دیئے تھے۔
وفاقی کابینہ رواں ماہ بگاس پر چلنے والے 8 پاور پلانٹس کے معاہدوں پر نظرثانی بھی کر چکی ہے۔
