لاہور: موٹروے ایم 2 کو لاہور سے ہرن مینار تک جبکہ موٹروے ایم 3 لاہور سے جڑانوالہ تک شدید دُھند کے باعث بند کردی گئی ہے۔
اے آر وائی نیوز کے مطابق ترجمان موٹر وے پولیس کا اس حوالے سے کہنا ہے کہ شدید دُھند کے باعث موٹرویزکو عوام کی حفاظت اور محفوظ سفر یقینی بنانے کیلئے بند کیا جاتا ہے۔
ترجمان کے مطابق شہری زیادہ سے زیادہ دن کے اوقات پر سفرکرنے کو ترجیح دیں، صبح 10 سے شام 6 بجے تک دھندکے موسم میں بہترین سفری اوقات ہیں۔
واضح رہے کہ موسم سرما میں اکثر گاڑیوں کے شیشے دھند اور نمی کے باعث دھندلا جاتے ہیں اس سے بچانے کیلیے کچھ آسان ٹپس بتائی جا ری ہیں۔
موسم سرما شروع ہوچکا ہے۔ اس موسم میں گاڑیوں کے شیشے دھندلا جاتے ہیں جس سے ڈرائیونگ میں مشکل ہوتی ہے اور بعض اوقات تو یہ وجہ کسی سنگین حادثے کا بھی سبب بن جاتی ہے۔
مگر ہم آج آپ کو کچھ ایسی آسان ٹپس بتائیں گے جن کے ذریعے آپ دوران سفر اس مسئلے پر قابو پا سکتے ہیں۔
اگر دوران سفر آپ کو گاڑی کے اندرونی یا بیرونی شیشے دھندلانے کا مسئلہ درپیش ہو اور ڈرائیونگ آپ کے لیے مشکل بن جائے تو آپ درج ذیل یہ کام کریں جس سے شیشوں کی دھندلاہٹ ختم اور سفر آسان ہو جائے گا۔
1۔۔ گاڑی کا اے سی ٹرن آن کرکے ڈی فروسٹ سیٹنگ سیٹ کریں۔۔ اس سے گاڑی کے اندر فضا میں نمی کو ختم کرنے میں مدد ملے گی۔۔ شیشوں کا دھندلا پن کم ہو جائیگا۔
2۔۔ گاڑی میں ہیٹڈ (heated) اسٹیئرنگ وہیل یا ہیٹڈ نشستوں کا سسٹم موجود ہے، تو اس کے استعمال سے گاڑی کی اندرونی فضا میں نمی کو ختم کرنے میں مدد ملتی ہے۔
3۔۔ ایک شیشے کو تھوڑا نیچے کرنے سے گاڑی کے اندر موجود نمی والی ہوا کو خارج کرنے میں مدد ملے گی، جس سے شیشوں کا دھندلا پن میں کم ہوگا
4۔۔ اگر آپ ان آپشنز استعمال کرنے سے قاصر ہیں تو شیشوں کو اندر سے مائیکرو فائبر تولیے سے صاف کریں۔
کراچی : پولیو ویکسین پلانے سے انکار کرنے والے دو ملزمان گرفتار
گاڑیوں کے شیشے دھندلے ہونے سے بچانے کے لیے یہ احتیاطیں بھی کریں
1۔۔۔ ہیٹنگ، وینٹی لیشن اور ائیر کنڈیشننگ (ایچ وی اے سی) سسٹم کا خیال رکھیں
2۔۔ گاڑی کے اندر ہوا کی وینٹی لیشن کا خیال رکھنے سے اندر جمع ہونے والی نمی کو ختم کرنے میں مدد ملتی ہے اور شیشے دھندلے نہیں ہوتے۔
