جمعیت علمائے اسلام کے رہنما حافظ حمداللہ نے کہا ہے کہ مدارس بل کے معاملے پر حکومت سیاسی اور اخلاقی طور پر ہار چکی ہے۔
تفصیلات کے مطابقجمعیت علمائے اسلام (ف) کے رہنما اور سابق سینیٹر حافظ حمداللہ نے مدارس رجسٹریشن بل پر کہا کہ مدارس بل کے معاملے پر حکومت سیاسی، اخلاقی، قانونی طور پر ہار چکی ہے، تنظیمات مدارس، جے یو آئی کو مدارس رجسٹریشن بل میں ترمیم قبول نہیں۔
حافظ حمداللہ کا کہنا تھا کہ قانون میں تبدیلی کی گئی تو پھر فیصلہ ایوان نہیں میدان میں ہوگا، مدارس رجسٹریشن بل ایکٹ بن چکا گزٹ نوٹی فکیشن جاری کیا جائے، جے یو آئی اور تنظیمات مدارس کا حکومت سے یہی مطالبہ ہے۔
انہوں نے کہا کہ پارلیمنٹ سپریمیسی کا تقاضا ہے پاس کردہ بل قانون تسلیم کیا جائے، اب گیند حکومت کی کورٹ میں ہے فیصلہ کریں ورنہ دیر ہوجائیگی، پارلیمنٹ کے فیصلے کوئی اور نہ کرے یا حکومت تسلیم کرلے عوام کا راج نہیں۔
