پیپلز پارٹی کی رکن قومی اسمبلی شرمیلا فاروقی نے کہا ہے کہ لوگ بجلی کے بل نہیں دے پا رہے اور حکومت گیس کے ٹیرف میں اضافہ کر رہی ہے۔
تفصیلات کے مطابق پیپلز پارٹی کی رکن قومی اسمبلی شرمیلا فاروقی نے کہا ہے کہ اگر حکومت کا کام عوام کا گلا گھونٹ کر خون چوسنا ہے تو کوئی حل نہیں۔
انہوں نے کہا کہ آئی ایم ایف کی جو بھی کنڈیشن ہو آپ نے اپنے ملک کے لوگوں کو مارنا تو نہیں ہے، ملک میں گیس کی شدید قلت ہے، گھروں میں چولہے نہیں جل پارہے ہیں، آئی ایم ایف نے یہ نہیں کہا لوگوں کے گلے دبا دیں، انکے چولہے بند کردیں، حکومت کو گیس کی ترسیل سے متعلق پالیسی بنانی چاہیے تھی۔
شرمیلافاروقی کا کہنا تھا کہ ملک میں گیس کی قلت ہے لیکن ٹیرف بڑھائے جارہے ہیں، جس صوبے سےگیس نکلتی ہے اسے تو گیس نہیں دی جاتی، آئی ایم ایف کہتا ہے یہ سبسڈی نہ دیں، حکومت سستی گیس دینے کا طریقہ نکالے۔
پی پی رہنما نے کہا کہ ایوان میں سوال کرتے ہیں تو جواب دینے کیلئے حکومتی بینچوں پر کوئی نہیں ہوتا، حکومت غلط بیانی سے کام لے رہی ہے، انٹرنیٹ بندش سے حکومت کہتی ہےکوئی نقصان نہیں ہوا لیکن نقصان تو ہوا ہے۔
شرمیلا فاروقی نے مزید کہا کہ حکومت نے پی پی سے معاہد کیا لیکن اس معاہدے پر عمل نہیں کیا۔
اب آپ کے فیض یاب ہونے کا وقت گزر چکا ہے، شیری رحمان کی پی ٹی آئی پر تنقید
