یونان کشتی حادثے کی تحقیقات میں اہم پیش رفف ہوئی ہے، غفلت برتنے والے ایف آئی اے کے دو افسروں کو گرفتار کرلیا گیا۔
ترجمان ایف آئی اے کے مطابق گرفتار ہونے والوں میں انسپکٹر زبیر اشرف اور سب انسپکٹر شاہد عمران شامل ہیں،گرفتار ملزم فیصل آباد ایئرپورٹ پر بطور شفٹ انچارج تعینات تھے۔
ایف آئی اے ترجمان کا کہنا ہے کہ گرفتار کیے گئے افسران نے اسکریننگ کے عمل میں غفلت اور لاپروائی کا مظاہرہ کیا۔
ترجمان ایف آئی اےکا کہنا ہے کشتی حادثے میں 18 متاثرین نے فیصل آباد ایئرپورٹ سے بیرون ملک سفر کیا تھا، 17 متاثرین کو یونان کشتی حادثے میں ریسکیو کر لیا گیا تھا، ایک شہری جاں بحق ہوا۔
ترجمان کا کہنا ہے کہ متاثرین سے ایجنٹ عبدالرؤف نے یونان جانے کیلئے رقم وصول کی تھی، ایف آئی اے فیصل آباد نے عبدالرؤف، عباس ذوالفقار اور قمرالزمان نامی انسانی اسمگلرزکے خلاف مقدمہ درج کرکےگرفتاری کے لیےچھاپے مارنے شروع کردیئے ہیں۔
