ترجمان اسپارکو نے بتایا ہے کہ آج کی رات اس سال کی طویل ترین رات ہوگی جبکہ اسی مناسبت سے آج کا دن سب سے چھوٹا ہوگا۔
ویسے تو سردی کے موسم میں دن چھوٹے اور راتیں لمبی ہوجاتی ہیں لیکن آج کا دن سال کا سب سے چھوٹا دن ہو گا اور رات سب سے طویل ہوگی، ترجمان اسپارکو نے آج کی شب رات کے حوالے سے بتایا کہ 21 دسمبر کو عام طور پر سرمائی سالسٹیس کہا جاتا ہے۔
- Advertisement -
کونسا دن مختصر اور کونسی رات طویل ترین ہوگی؟ محکمہ موسمیات نے بتا دیا
ترجمان اسپارکو کے مطابق 21 اور 22 دسمبر کی درمیانی شب سال کی طویل ترین رات ہوگی، اسی مناسبت سے آج سال کا سب سے چھوٹا دن ہوگا، سورج آج معمول سے پہلے غروب ہوگیا۔
خیال رہے کہ 21 دسمبر کے بعد سے راتیں مختصر اور دن طویل ہونا شروع ہوجائیں گے اور 21 جون کو سال کا طویل ترین دن اور مختصر ترین رات ہوگی۔
