سکھر: شہید بینظیر بھٹو یونیورسٹی میں لیکچرار بھرتی ٹیسٹ مکمل ہو گئے۔
تفصیلات کے مطابق اروڑ یونیورسٹی سکھر کی اروڑ ٹیسٹنگ سروسز (ATS) نے شہید بینظیر بھٹو یونیورسٹی، شہید بینظیر آباد میں لیکچرار کے لیے بھرتی ٹیسٹ کا کامیاب انعقاد کیا، 400 امیدواروں نے لیکچرار شپ کے لیے ٹیسٹ دیا۔
ٹیسٹ یونیورسٹی کے احاطے میں منعقد ہوا، جہاں امیدواروں کی سہولت کے لیے وسیع انتظامات کیے گئے تھے، پروفیسر ڈاکٹر زاہد حسین کھنڈ، وائس چانسلر اروڑ یونیورسٹی سکھر نے سہولیات اور انتظامات کا جائزہ لیا جب کہ پروفیسر ڈاکٹر زاہد کھنڈ وائس چانسلر اروڑ یونیورسٹی، انجینئر پروفیسر ڈاکٹر مدد علی شاہ، وائس چانسلر SBBU، SBA نے ٹیسٹ کے احاطے کا دورہ کیا۔
پروفیسر ڈاکٹر مدد علی شاہ نے منصفانہ اور سازگار ٹیسٹنگ ماحول پیدا کرنے کے لیے اروڑ ٹیسٹنگ سروسز ٹیم کی محنت اور لگن کو سراہا۔ انھوں نے ٹیسٹ کے ہموار انعقاد کو یقینی بنانے میں ان کی کوششوں کو تسلیم کرتے ہوئے اے ٹی ایس ٹیم کی محنت اور پیشہ ورانہ مہارت کے لیے شکریہ ادا کیا۔
