لاس اینجلس : سال 2024 ہالی ووڈ کے لیے ایک شاندار سال رہا، جہاں مختلف قسم کی فلموں نے دنیا بھر کے فلمی شائقین کو اپنی طرف متوجہ کیا۔
مندرجہ ذیل سطور میں اینی میٹڈ سیکوئلز سے لے کر سپر ہیرو بلاک بسٹرز تک یہاں سال 2024 کی 5 بہترین ہالی ووڈ فلموں پر مختصر سا تجزیہ پیش کیا جارہا ہے۔
1. انسائیڈ آؤٹ 2
"انسائیڈ آؤٹ 2” سال 2024 کی سب سے زیادہ کمائی کرنے والی فلم رہی، جس نے دنیا بھر میں 1.698ارب ڈالر سے زائد کا بزنس کیا۔
یہ اینی میٹڈ سیکوئل 2015 کی مقبول فلم "انسائیڈ آؤٹ” کا دوسرا حصہ ہے، جس میں رائلی کو بڑی ہونے کے چیلنجز کا سامنا کرتے دکھایا گیا ہے۔
2. ڈیڈپول اینڈ وولورین
دوسرے نمبر پر "ڈیڈپول اینڈ وولورین” ہے، جس نے دنیا بھر میں 1.338 ارب ڈالر سے زیادہ بزنس کیا۔ یہ سپر ہیرو بلاک بسٹر مارول کے دو مشہور کرداروں کو ایک ایکشن سے بھرپور کہانی میں اکٹھا پیش کرتی ہے۔
3. ڈیسپیکیبل می 4
"ڈیسپیکیبل می” سیریز کا چوتھا حصہ تیسرے نمبر پر ہے، جس نے دنیا بھر میں 969 ملین ڈالر کمائے۔ یہ اینی میٹڈ کامیڈی فلم گرو اور اس کے وفادار منیئنز کی کہانی ہے جو ایک نئے ولن کا مقابلہ کرتے ہیں۔
4. موانا 2
"موانا 2” چوتھے نمبر پر رہی، جس نے دنیا بھر میں 790 ملین ڈالر کمائے۔ یہ اینی میٹڈ میوزیکل سیکوئل موانا کی سمندر کے پار ایک نئے ایڈونچر پر مبنی فلم ہے۔
5. ڈیون: پارٹ ٹو
5یں نمبر پر "ڈیون پارٹ ٹو” ہے، جس نے دنیا بھر میں 714 ملین ڈالر کمائے۔ یہ سائنس فکشن ایپک فلم ڈینس ولینیو کی مشہور ناول "فرینک ہربرٹ” پر مبنی دوسری قسط ہے۔
یہ پانچوں فلمیں منفرد کہانیوں، یادگار کرداروں، اور شاندار اداکاری اور مناظر کے ساتھ ناظرین کو محظوظ کرتی رہیں۔
چاہے آپ اینی میشن کے شوقین ہوں، سپر ہیروز کے دیوانے ہوں، یا سائنس فکشن کے مداح، اس سال کی ٹاپ فلموں میں ہر کسی کے لیے کچھ نہ کچھ موجود ہے۔
