شوبز انڈسٹری کی معروف اداکارہ صحیفہ جبار خٹک کا کہنا ہے کہ قوم کو فیملی ولاگنگ جیسی بکواس دیکھنا پسند ہے۔
اداکارہ صحیفہ جبار خٹک نے حال ہی میں پوڈ کاسٹ میں شرکت کی اور نجی زندگی سمیت پاکستانی شہریوں کی جانب سے ولاگنگ دیکھنے کے بڑھتے رجحان پر اظہار خیال کیا۔
انہوں نے کہا کہ لوگ اب اپنی فیملی پر ولاگنگ بنا رہے ہیں اور یہ سب بکواس قوم شوق سے دیکھ رہی ہے۔
اداکارہ نے مثال دیتے ہوئے کہا کہ ولاگنگ ایسی ہورہی ہے کہ ’کچن میں کھانا بنارہی ہوں، نائٹ سوٹ پھٹ گیا، کھانا جل گیا، چائے میں پتی کم ہوگئی، آج شوہر کے ساتھ پرینک کردیا۔
صحیفہ جبار نے کہا کہ ولاگر جب یہ بکواس لگاتے ہیں تو لوگ اسے شوق سے دیکھ رہے ہیں۔
میزبان نے پوچھا کہ یہ بتائیں کہ کراچی کے کھانے کتنے اچھے ہیں اور لاہور کا کھانا اچھا ہے یا کراچی کا؟
صحیفہ جبار نے کہا کہ لاہور کے مقابلے میں کراچی کے کھانے بہت اچھے ہیں، نہاری اور پائے کراچی میں بہت اچھے ہیں جبکہ لاہور کے کھانے بہت بُرے ہیں۔
میزبان نے کہا کہ لاہور کی ایک بٹ کڑاہی مشہور ہے جس پر اداکارہ نے کہا کہ بس وہی اچھی ہے، میزبان نے کہا کہ بٹ کراہی بھی اچھی نہیں ہے میں ایک مرتبہ کھانے گیا تو اس میں سے مکھن کی ہیک آرہی تھی۔
اداکارہ نے کہا کہ کراچی والو! مکھن کی خوشبو ہوتی ہے ہیک نہیں اور بٹ کراہی تھال میں کھانے کا مزہ ہی الگ ہے۔
انہوں نے کہا کہ شوہر کا تعلق لاہور سے ہے لیکن ان کے والد کی زندگی کراچی میں گزری ہے، وہ اردو اسپیکنگ تھے لیکن شوہر کی پیدائش لاہور میں ہوئی۔
صحیفہ جبار نے بتایا کہ شوہر کے والد کے رشتے دار کراچی سے اور اردو اسپیکنگ ہیں جبکہ ان کی والدہ کی سائیڈ پنجابی، سرائیکی زبان بولتے ہیں۔
انہوں نے کہا کہ میری والدہ اور والد سرائیکی، پنجابی بولتے ہیں جبکہ میرا آبائی تعلق خانیوال ہیں میں پنجابی سرائیکی زبان سمجھ لیتی ہوں لیکن روانی سے بول نہیں سکتی۔
