کراچی کے مختلف علاقوں میں ٹریفک حادثات میں خاتون سمیت چار افراد جاں بحق اور سات زخمی ہوگئے۔
شہر قائد میں جان لیوا ٹریفک حادثات نے آج بھی کئی گھروں کے چراغ گل کر دیئے، ریسکیو ذرائع کے مطابق کورنگی نمبر پانچ کے قریب تیزرفتار بس بے قابو ہوکر الٹ گئی ، جس کے نتیجے میں دو افراد جاں بحق اور چھ زخمی ہوگئے۔
حادثے کی اطلاع ملتے ہی ریسکیو ٹیمیں جائے وقوعہ پر پہنچ گئیں اور حادثے کے زخمیوں اور لاشوں کو اسپتال منتقل کیا گیا۔
- Advertisement -
پولیس کے مطابق کوچ کا ڈرائیور موقع سے فرار ہوگیا، ڈرائیور کی تلاش جاری ہے ۔
ملیر ہالٹ کے قریب بھی تیز رفتار بس کی ٹکر سے موٹر سائیکل سوار نوجوان جان کی بازی ہار گیا جبکہ واقعہ میں ایک خاتون شدید زخمی ہوگئیں، کلفٹن برج کے قریب ٹریفک حادثے میں ایک خاتون زندگی کی بازی ہار گئیں ۔
