کراچی: قومی ایئرلائن کی پیرس کیلئے فلائٹ آپریشن کی تیاریاں مکمل ہو گئیں۔ پی آئی اے کی پرواز اسلام آباد سے 10جنوری کو دوپہر 12 بجے روانہ ہو گی۔
پرواز پی کے749 جمعہ کی دوپہر 300 سے زائد مسافروں کو لے کرروانہ ہو گی۔ وزیر دفاع و ہوابازی خواجہ آصف، سی ای او سمیت دیگر اعلیٰ افسران پی آئی اے مسافروں کو رخصت کریں گے۔
اس حوالے سے اسلام آباد ایئرپورٹ پر تقریب ہو گی جس میں مسافروں کو الوداع کیا جائے گا۔
- Advertisement -
PIA News پی آئی اے
ترجمان کے مطابق پی آئی اے کی فلائٹ 10جنوری کو فل لوڈ کے ساتھ روانہ ہو گی اور اس پرواز کے لیے پی آئی اے بوئنگ777طیارہ آپریٹ کر رہا ہے۔
ان کا کہنا تھا کہ پیرس کی پروازوں کے لیے مسافروں کی جانب سے اچھا رسپانس ملا ہے اور پیرس کےلیے آئندہ 4 پروازیں بھی فل لوڈ ہیں۔
پہلی پرواز کا پیرس پہنچے پر بھی مسافروں کا استقبال کیا جائے گا۔
