بھارتی ریاست مہاراشٹرا کے شہر پونے میں ایک خاتون کو دن دہاڑے بیچ سڑک پر چھری کے وار سے موت کے گھاٹ اُتار دیا گیا، جس کی ویڈیو بھی منظر عام پر آگئی۔
غیر ملکی ذرائع ابلاغ کے مطابق 28 سالہ خاتون کو اس کے ساتھی ملازم نے کمپنی کی پارکنگ میں چھری کے وار سے قتل کردیا، کہا جارہا ہے کہ خاتون نے جھوٹ بول کر ساتھی ملازم سے قرض لیا تھا۔
افسوسناک واقعے کی ویڈیو بھی سوشل میڈیا پر گردش کررہی ہے، جس میں دیکھا جاسکتا ہے کہ جائے وقوعہ پر کچھ لوگ موجود ہیں لیکن کسی بھی بچانے کے لئے خاتون کی مدد نہیں کی۔
Stabbing,& murder of a young woman and crowds of onlookers; This video of the murder in Yerwada (pune)has gone viral.. pic.twitter.com/vrzFNlGHSy
— Krishna Kant Mishra (@KKMishraOffice) January 9, 2025
پولیس نے ملزم کو حراست میں لے لیا ہے، جس کا کہنا ہے کہ اس کی ساتھی 28 سالہ شبھدا کوڈارے نے اپنے والد کی بیماری کا بہانہ بنا کر کئی بار اس سے پیسے ادھار لیے۔
ملزم نے پولیس کو بتایا کہ جب میں نے اپنے پیسوں کا تقاضا کیا تو کوڈارے نے انکار کردیا۔ اس پر کانوجا نے خاتون کے آبائی علاقے جا کر حقیقت جاننے کی کوشش کی، جہاں معلوم ہوا کہ ان کے والد صحت مند ہیں۔
ملزم نے خاتون کو آفس کی پارکنگ میں بلایا تاکہ اپنے پیسے واپس مانگ سکے۔ کواڈرے نے پیسے دینے سے انکار کیا جبکہ اس دوران دونوں میں خوب تکرار ہوئی، کانوجا نے عدم برداشت کا مظاہرہ کرتے ہوئے اس پر حملہ کردیا۔
رپورٹس کے مطابق پارکنگ میں واقعے کے وقت متعدد افراد موجود تھے، مگر کسی نے بھی لڑکی کو بچانے کی کوشش نہیں کی، کچھ افراد نے اس واقعے کی ویڈیو بھی بنائی۔ خاتون کے زمین پر گرنے اور ملزم کے ہتھیار پھینکنے کے بعد مشتعل افراد نے ملزم کو مارا پیٹا۔
گاڑی کے بونٹ پر چڑھنے والے نوجوان کیساتھ ڈرائیور نے کیا کیا؟ ویڈیو وائرل
پولیس کے مطابق خاتون کو شدید زخمی حالت میں اسپتال منتقل کردیا گیا ہے، جہاں اس کی موت واقع ہوگئی، مقدمہ درج کر کے ملزم کانوجا کو گرفتار کر لیا گیا ہے۔
