بھارتی فلم انڈسٹری میں 90 کی دہائی میں شہرت کی بلندیوں کو چھونے والی معروف اداکارہ منیشا کوئرالہ نے میل ڈومینیٹڈ انڈسٹری میں موجود دوہرے معیار پر لب کشائی کی۔
بھارتی میڈیا رپورٹس کے مطابق نیپال سے تعلق رکھنے والی اداکارہ منیشا کوئرالہ جو بھارتی فلم انڈسٹری کی مشہور اداکاراؤں میں شمار ہوتی ہیں انہوں نے اپنے کیریئر کے دوران کئی تنقیدی اور تجارتی کامیابیاں حاصل کیں۔
منیشا نے حال ہی میں ایک خصوصی انٹرویو دیا جس میں انہوں نے نہ صرف انڈسٹری میں موجود دوہرے معیار پر کھل کر بات کی بلکہ یہ بھی بتایا کہ اس میل ڈومینیٹڈ انڈسٹری میں کیسے ہیروز کو ہمیشہ فیصلہ کرنے کا اختیار دیا جاتا تھا۔
اداکارہ نے کہا کہ مجھے ان دوہرے معیاروں سے نفرت تھی اسی لیے میں نے بغاوت کرنے کا فیصلہ کیا اور میری بغاوت کی عادت اسی وجہ سے پیدا ہوئی کیونکہ اس صورتحال سے میں خوش نہیں تھی۔
اُنہوں نے فلم ‘من’ کے دوران کا ایک واقعہ بیان کرتے ہوئے بتایا کہ،’جب میں نے فلم ‘من’ میں ایک خاتون میک اپ آرٹسٹ کو رکھا تو ان دنوں یونین کا قانون تھا کہ صرف مرد میک اپ آرٹسٹ بن سکتے تھے، اور ہیئر ڈریسر خاتون ہونی چاہیے۔
حالانکہ ایڈ فلمز میں ایسا نہیں تھا تو میں نے ایک خاتون سے ملاقات کی جو میک اپ بہت اچھا کرتی تھیں۔ میں نے کہا کہ ‘کیوں نہ میرا میک اپ وہ کریں؟’
اروشی روٹیلا اور کمال آر خان میں لفظی جنگ چھڑ گئی
اُنہوں نے کہا کہ ہر چیز میں تبدیلی ممکن ہے بشرط یہ کہ اگرکوئی پہلا قدم اٹھالے کیونکہ اسکے بعد حالات لازمی بدل جاتے ہیں۔
