اسلام آباد : وزیر قانون اعظم نزیر تارڑ نے بند کئے جانے والے سرکاری اداروں کے ملازمین کے حوالے سے بتایا کہ ملازمین جواپنی ملازمت کے آخری 5سالوں میں ہیں ان کو ریٹائر کردیا جائے گا۔
تفصیلات کے مطابق سینیٹرعون عباس نےسینیٹ اجلاس سے خطاب کرتے ہوئے کہا کتنے محکموں کو ضم کیا جارہا ہے، یوٹیلیٹی اسٹورز کارپوریشن کا کیا ہوگا یوٹیلیٹی اسٹورز کارپوریشن کے ملازمین کیا بنے گا۔
عون عباس کے جواب پر اعظم نزیر تارڑ نےجواب دیتے ہوئے کہا رائٹ سائزنگ وقت کی ضرورت ہے، کاروبار کرنا حکومت کا کام نہیں حکومت کا کام ماحول فراہم کرنا ہے۔
وزیر قانون کا کہنا تھا کہ ہماری گردشی قرضے بڑھ رہے ہیں خساروں کو ختم کرکے معیشت کو کھڑا کرنا ہے سول ایوی ایشن کو وزارت دفاع میں ضم کردیا گیا ہے وہ ملازمین جواپنی ملازمت کے آخری 5سالوں میں ہیں ان کو ریٹائر کردیا جائے گا۔
انھوں نے بتایا کہ سرکاری ملازمین جن کے محکمے کو ہوں گے ان کو پیکجز دیئے جائیں گے، ان محکموں میں کام کرنے والے پاکستانی ہیں لیکن ریاست سب سے پہلے ہے ہمارا مقصد کسی کو بےروزگارکرنا نہیں ہے۔
وزیر قانون کا کہنا تھا کہ کام کرنے والے ملازمین کو نئے کنٹریکٹراپنے ساتھ رکھیں گے، کسی کو قانون کے خلاف نوکری سے نہین نکالا جائے گا۔
