دنیا کی کسی بھی ایئر لائنز کے لیے اپنے مسافروں کی حفاظت بنیادی ستون کی حیثیت رکھتی ہے، لوگ ایسی ہی ایئر لائنز میں سفر کرنے کو ترجیح دیتے ہیں۔
گزشتہ دنوں دنیا کے مختلف ممالک میں طیارہ حادثات کے پے درپے واقعات رونما ہوئے جس کے باعث ایئرلائنز کی کارکردگی پر سوالات کھڑے ہوئے اور مسافروں میں بے چینی پھیل گئی۔،
ایسی صورتحال میں ’ایئر لائن ریٹنگز ڈاٹ کام‘ نامی ایک ویب سائٹ نے 2025 کے لیے محفوظ ترین ایئرلائنز کی فہرست مرتب کی ہے۔ یہ ویب سائٹ ایئر لائنز کی سیفٹی اور سروس کا جائزہ لے کر فہرست جاری کرتی ہے۔
مذکورہ ویب سائٹ نے 385 ایئر لائنز کا جائزہ لینے کے بعد اپنے سیون اسٹار ریٹنگ سسٹم کے تحت رینکنگ جاری کی۔
مذکورہ ویب سائٹ کی رپورٹ کے مطابق حالیہ طیارے حادثات، ایئر لائن کے طیارے کتنے پرانے ہیں، سیفٹی آڈٹ اور جدید حفاظتی اقدامات کو مد نظر رکھتے ہوئے 385ایئرلائنز کا جائزہ لینے کے بعد اپنے سیون اسٹار ریٹنگ سسٹم کے تحت رینکنگ جاری کی۔
فہرست ترتیب دیتے وقت اس بات کا بھی جائزہ لیا گیا ہے کہ ایئرلائنز کس طرح ہنگامی حالات کا مقابلہ کرتے ہوئے بہتر انتظامات کرتی ہیں۔
تاہم طیاروں سے پرندوں کے ٹکرانے اور موسم سے متعلق مسائل جیسے عوامل کو شامل نہیں کیا گیا ہے کیونکہ یہ مسائل ایئر لائنز کے کنٹرول سے باہر ہوتے ہیں۔
ویب سائٹ رپورٹ کے مطابق نیوزی لینڈ کی ایئر لائن "ایئر نیوزی لینڈ” کو دنیا کی محفوظ ترین ایئرلائن قرار دیا گیا ہے۔
سفر کے دوران مسائل کی مکمل ضمانت دینا ممکن نہیں، لیکن ایک قابلِ اعتماد ایئرلائن منتخب کر کے آپ اپنے سفر کو محفوظ بنا سکتے ہیں۔
آسٹریلیا کی ایئرلائن سیفٹی اور پروڈکٹ ریٹنگ ویب سائٹ "Airline Ratings” کے مطابق، 2025 کی فہرست میں ایئر نیوزی لینڈ کو دنیا کی محفوظ ترین ایئرلائنز میں شمار کیا گیا ہے۔
نیوزی لینڈ کی ایئر لائن "ایئر نیوزی لینڈ” کو دنیا کی محفوظ ترین ایئرلائن قرار دیا گیا ہے۔
سفر کے دوران مسائل کی مکمل ضمانت دینا ممکن نہیں، لیکن ایک قابلِ اعتماد ایئرلائن منتخب کر کے آپ اپنے سفر کو محفوظ بنا سکتے ہیں۔
آسٹریلیا کی ایئرلائن سیفٹی اور پروڈکٹ ریٹنگ ویب سائٹ "ایئر لائن ریٹنگز” کے مطابق 2025 کی فہرست میں ایئر نیوزی لینڈ کو دنیا کی محفوظ ترین ایئرلائنز میں شمار کیا گیا ہے۔ اس ایئرلائن نے 2024 اور 2022 میں بھی پہلی پوزیشن حاصل کی تھی۔
اس کے علاوہ آسٹریلوی ایئرلائن ’قنطاس ایئرلائن‘ دوسرے نمبر پر اور کیتھی پیسیفک، ایمیریٹس اور قطر ایئرلائنز مشترکہ طور پر تیسرے نمبر پر ہیں۔
سیون اسٹار رینکنگ سسٹم کے تحت ٹاپ 15 میں یہ ایئرلائن شامل ہیں:
1. ایئر نیوزی لینڈ
2. قنطاس (آسٹریلیا)
3. کیتھے پیسیفک (ہانک کانگ)
3. امارات (یو اے ای)
3. قطر ایئرویز
6. ورجن آسٹریلیا
7. اتحاد ایئرویز (یو اے ای)
8. آل نیپون ایئرویز
9. ایوا ایئر (تائیوان)
10. کورین ایئر
11. الاسکا ایئر لائنز
12. ترکش ایئر لائنز
13. ٹی اے پی پرتگال
14. ہوائی ایئر لائنز (امریکہ)
15. امریکن ایئر لائنز
"ایئرلائن ریٹنگز” کی چیف ایگزیکٹو شیرون پیٹرسن نے کہا کہ ایئر نیوزی لینڈ اور قنطاس کے درمیان مقابلہ بہت سخت تھا اور دونوں کے درمیان صرف 1.50 پوائنٹس کا فرق تھا۔
