پشاور: تہکال میں نئی نویلی دلہن کو شادی کے 22 دن بعد ہی قتل کر دیا گیا، پولیس نے بیوی کے مبینہ قتل کے الزام میں شوہر کو گرفتار کرلیا ہے۔
تفصیلات کے مطابق پشاور کے علاقے تہکال میں 22 سالہ لڑکی کو شادی کے 22 دن بعد قتل کردیا گیا ، پولیس نے بتایا کہ 22سالہ ثناکی شادی 22 دن پہلے ہوئی تھی اور :ثنا کے شوہر نے واقعہ کو خودکشی کا رنگ دیا۔
پولیس نے کہا کہ بیوی کےمبینہ قتل کےالزام میں شوہر کو گرفتار کرلیا گیا ہے ، مقتولہ کے والد کی درخواست پر شوہر بلال حیدر کو گرفتار کیا گیا۔
پولیس کا کہنا تھا کہ ابتدائی طور پر سارے شواہد شوہر بلال جاوید کے خلاف جارہے ہیں تاہم مقتولہ کےگلےپرنشان پائے گئے میڈیکل رپورٹ کا انتظار ہے۔
دوران تفتیش ملزم بلال حیدر نے بتایا کہ اس کی بیوی نے خودکشی کی، وہ گھر پہنچا تو بیوی پہلے سے مری ہوئی تھی۔
حکام کے مطابق ملزم کی یہ دوسری بیوی ہےجولیڈی ہیلتھ ورکرہے، دونوں کی 3 سال سےدوستی تھی، تاہم تفتیشی ٹیم کو پوسٹ مارٹم رپورٹ کا انتظار ہے۔
