راولپنڈی : چیئرمین پی ٹی آئی بیرسٹرگوہر کا کہنا ہے کہ 190 ملین پاؤنڈ ریفرنس میں انصاف کا فیصلہ ہوا تو آج بانی پی ٹی آئی بری ہوں گے۔
تفصیلات کے مطابق چیئرمین پی ٹی آئی بیرسٹرگوہر اڈیالہ جیل پہنچ گئے، اس موقع پر میڈیا سے گفتگو کرتے ہوئے انھوں نے کہا کہ 190 ملین پاؤنڈ ریفرنس کا فیصلہ جو بھی ہوگا آج ملتوی نہیں ہوگا۔
ان کا کہنا تھا کہ ہم تیارہو کرآئےہیں جو بھی فیصلہ آئے، 2 سال سے جس طرح زیادتیاں ہوئی ہیں اسکاآپ اندازہ کر سکتے ہیں، انصاف کافیصلہ ہواتوبانی پی ٹی آئی اڈیالہ جیل سےبری ہوں گے اور رہا بھی ہوں گے۔
مزید پڑھیں : بانی پی ٹی آئی اور بشریٰ بی بی کے خلاف 190 ملین پاؤنڈ کیس کا فیصلہ آج ہوگا
خیال رہے بانی پی ٹی آئی اور بشریٰ بی بی کے خلاف ایک سو نوے ملین پاؤنڈ ریفرنس فیصلہ آج سنایا جائے گا۔
اس ریفرنس کا فیصلہ تین مرتبہ مؤخر کیا جاچکا ہے، احتساب عدالت نے فیصلہ اٹھارہ دسمبر دوہزار چوبیس کو محفوظ کیا تھا۔ فیصلہ سنانے کیلئے پہلے تئیس دسمبر پھر چھے جنوری اور اس کے بعد تیرہ جنوری کی تاریخ دی گئی۔
