واشنگٹن : امریکا کے نو منتخب صدر ڈونلڈ ٹرمپ کی حلف برداری کی تقریب کا مقام تبدیل کردیا گیا۔
تفصیلات کے مطابق سرد موسم کے پیش نظر ڈونلڈ ٹرمپ کی حلف برداری کی تقریب کا مقام تبدیل کردیا گیا۔
تقریب پہلے کانگرس کے کھلے میدان میں منعقد ہونے والی تھی، اب کانگرس کی بلڈنگ کے اندر روٹونڈا ایریا میں منعقد ہوگی۔
روٹونڈا ایریا میں آٹھ سو افراد کے بیٹھنے کی گنجائش ہے جبکہ تقریب کے لیے پچیس ہزار افراد جو دعوت دی گئی ہے۔
اس صورتحال کے پیش نظر سیکرٹ سروس نے حفاظتی اقدامات سخت کر دیے ہیں، اس تقریب میں پہلی بار دعاؤں کا بھی اہتمام کیا گیا ہے۔ مسلم، عیسائی اور دیگر مذاہب کے پیشوا شرکت کریں گے۔
مزید پڑھیں : ٹرمپ کی تقریب حلف برداری میں پہلی بار دعاؤں کا بھی اہتمام، امام اور پادری شرکت کریں گے!
یاد رہے پیر 20جنوری 2025 کو ڈونلڈ ٹرمپ واشنگٹن ڈی سی میں منعقدہ تقریب میں دوسری بار امریکی صدارت کا حلف اٹھا رہے ہیں۔
اس حوالے سے سوشل میڈیا پلیٹ اپنی پوسٹ میں ڈونلڈ ٹرمپ نے کہا ہے کہ صدارتی حلف برداری کی تقریب اِن ڈور منعقد کی جائے گی، کیوں کہ اس روز دارالحکومت میں خطرناک حد تک سرد درجہ حرارت رہنے کا امکان ہے۔
خیال رہے بیس جنوری کو واشنگٹن میں درجہ حرارت منفی بارہ ڈگری تک گرنے کی پیشگوئی کی گئی ہے جس کی وجہ سے ایسا فیصلہ کرنا پڑا۔
