پاکستان اور ویسٹ انڈیز کے درمیان پہلے ٹیسٹ میں اس وقت دلچسپ صورتحال دیکھنے میں آئی جب بابر نے ساجد خان کے سر کو طبلہ سمجھ کر بجادیا۔
ملتان ٹیسٹ کی دوسری اننگز میں جب ساجد نے ویسٹ انڈین بیٹر کو پویلین بھیجا تو بابر کے خوشی منانے کا انداز دیدنی تھا، سابق کپتان نے اسپنر ساجد خان کے سر پر طبلہ بجایا جس کی ویڈیو سوشل میڈیا وائرل ہوگئی۔
ساجد خان نے دوسری اننگز میں لنچ بریک تک 4 ویسٹ انڈین کھلاڑیوں کو آؤٹ کیا تھا، تاہم کیویم ہوج کے صفر پر آؤٹ ہونے کے بعد اسپنر کے ارد گرد ساتھی کھلاڑی جمع ہوگئے۔
اس دوران بابراعظم کی خوشی دیدنی تھی انھوں نے آف اسپنر کے سر پر زبردست انداز میں طبلہ بجایا اور مسکراتے ہوئے بھی نظر آئے۔
وائرل ہونے والی ویدیو پر ایک صارف نے سابق قومی کپتان پر تنقید کرتے ہوئے کہا کہ وہ دونوں اننگز میں ناکام رہے ہیں بابراعظم کو چیئر لیڈر بننے کے بجائے اپنی بیٹنگ پر توجہ دینی چاہیے۔
خیال رہے کہ ملتان ٹیسٹ میں پاکستان نے ویسٹ انڈیز کو 127 رنز سے شکست دیکر دو میچوں کی سیزیز میں ایک صفر کی سبقت حاصل کر لی ہے۔
