اسلام آباد: پاکستانی عازمین حج قربانی کی مد میں مجموعی طور پر 9 ارب 94 کروڑ 61 لاکھ 50 ہزار روپے خرچ کریں گے۔
ذرائع مذہبی امور کا کہنا ہے کہ عازمین حج سے جانوروں کی قربانی کے لیے فی کس 55 ہزار 500 روپے لیے جا رہے ہیں، سرکاری حج اسکیم کے تحت 35 ہزار سے زائد عازمین نے قربانی کی رقم جمع کرا دی۔
وزارت مذہبی امور کا کہنا ہے کہ عازمین نے سرکاری حج کے تحت مجموعی طور پر 1 ارب 94 کروڑ 25 لاکھ روپے جمع کرا دیے ہیں۔
- Advertisement -
واضح رہے کہ پاکستان سے رواں سال 1 لاکھ 79 ہزار 210 عازمین سرکاری اور نجی اسکیم کے تحت حج ادا کریں گے، 89 ہزار 605 عازمین سرکاری اسکیم اور اتنے ہی پرائیویٹ اسکیم کے تحت حجاز مقدس جائیں گے۔
