پاکستان شوبز انڈسٹری کی معروف اداکارہ کبریٰ خان نے اپنی شادی کی تصدیق کردی۔
کبریٰ خان ایک مشہور پاکستانی ٹیلی ویژن اور فلمی اداکارہ ہیں جو مقبول ڈراموں میں اپنی شاندار اداکاری کے لیے جانی جاتی ہیں،حال ہی میں اے آر وائی ڈیجیٹل کے ڈرامہ سیریل نور جہاں میں ان کے کردار کو مداحوں کی جانب سے بے پناہ تعریفیں ملیں۔
اداکارہ کبریٰ خان اور گوہر رشید کی شادی کی قیاس آرائیوں سے تو سب ہی واقف ہے، تاہم اداکار گوہر خان نے یار کی شادی کی منصوبہ بندی کی ویڈیو بھی شیئر کی تھی جس کے بعد قیاس آرائیوں نے مزید زور پکڑا تھا۔
تاہم اب اداکارہ کبریٰ خان نے ایک نجی ٹی وی چینل کے ایونٹ میں شرکت کی جہاں انہوں نے اپنی شادی کی تصدیق کردی ہے۔
View this post on Instagram
سوشل میڈیا پر وائرل مختصر انٹرویو میں کبریٰ خان نے اپنی شادی کے بارے میں بات کرتے ہوئے کہ،’جی ہاں، میری شادی غالباً فروری میں ہو رہی ہے، اگرچہ اداکارہ نے اپنے ہونے والے دولہا کا نام نہیں بتایا لیکن صارفین اس تصدیق کو گوہر رشید سے جوڑ رہے ہیں۔
واضح رہےکہ اس سے قبل گوہر رشید نے بھی کہا تھا کہ وہ جلد اپنے مداحوں اور چاہنے والوں کے لیے ایک خاص اعلان کریں گے۔
