بھارتی اولمپیئن جیولن تھروور نیرج چوپڑا نے گزشتہ روز اچانک اپنی شادی کی تصاویر شیئر کرکے اپنے چاہنے والوں کو ورطہ حیرت میں ڈال دیا۔
بھارتی میڈیا کے مطابق سوشل میڈیا پلیٹ فارم انسٹاگرام پر اولمپک میڈلسٹ جیولن تھروور نیرج چوپڑا نے اپنے مداحوں کے ساتھ رشتہ ازدواج میں منسلک ہونے کی خوشخبری شیئر کی۔
ایتھلیٹ کا کہنا تھا کہ میں اور ہیمانی زندگی کا نیا باب شروع کرنے جارہے ہیں، ساتھ ہی انہوں نے شادی کی کئی دلکش تصاویر بھی شیئر کیں جو دیکھتے ہی دیکھتے وائرل ہوگئیں اور مداحوں کی جانب سے مبارکبادوں کا سلسلہ تاحال جاری ہے۔
ایتھلیٹ نیرج کی دلہن کے حوالے سے اگر بات کی جائے تو ان کا نام ہیمانی مور ہے جو کہ ایک سابق ٹینس کی کھلاڑی ہیں۔
ہیمانی کا تعلق ہریانہ سے ہے جو اب اسپورٹس مینیجر کے طور پر ذمہ داریاں نبھارہی ہیں، انہوں نے دہلی کی جامعہ سے پولیٹیکل سائنس اور فزیکل سائنس میں بیچلرز کی ڈگری بھی حاص کی ہوئی ہے۔
اس کے علاوہ ہیمانی نے امریکا سے بھی اعلیٰ تعلیم حاصل کی ہوئی ہے جب کہ ہمانی کے بھائی بھی ٹینس کے کھلاڑی ہیں۔
بابر اور رضوان نے ساجد خان کی کونسی خواہش پوری کردی؟
بھارتی میڈیا سے بات کرتے ہوئے نیرج کے انکل کا کہنا تھا کہ دونوں کی شادی بھارت میں دو دن قبل ہوئی ہے۔
