بالی ووڈ سپر اسٹار سلمان خان نے تصدیق کی ہے کہ عامر خان نے کہا تھا کہ وہ میرے ساتھ زندگی میں کبھی کام نہیں کریں گے۔
بگ باس 18 کا گرینڈ فنالے گزشتہ روز منعقد ہوا جس میں سپر اسٹار سلمان خان اور ان کے ساتھ عامر خان کی موجودگی نے محفل لوٹ لی، اداکارہ خوشی کپور بھی بطور مہمان خصوصی موجود تھیں۔
سلمان خان نے عامر خان کا ماضی کا واقعہ بیان کیا جب عامر خان نے ان کے ساتھ دوبارہ کبھی کام نہیں کرنے کا عہد کیا تھا۔
عامر نے اس بات کا انکشاف کیا کہ انہیں حال ہی میں سلمان کی ایک پرانی ویڈیو ملی جس میں سلمان نے ان کی اداکاری کی تعریف کی تھی، عامر نے کہا کہ ’میں نے وہ ویڈیو پہلے کبھی نہیں دیکھی تھی اور تیس سال بعد اب دیکھی ہے۔‘
اداکار کہنا تھا کہ سلمان کے محبت بھرے الفاظ سن کر میں جذباتی ہوا اور میں نے وہ کلپ انہیں بھیج دیا۔
سلمان خان نے کہا کہ ’عامر نے ایک انٹرویو میں شکایت کی تھی کہ وہ سیٹ پر دیر سے آتے تھے یہاں تک کہ عامر نے عہد کرلیا تھا کہ وہ کبھی میرے ساتھ دوبارہ کام نہیں کریں گے۔‘
عامر نے اعتراف کیا اور کہا کہ لیکن جذبات وقت کے ساتھ بدل گئے اور سلمان سے محبت کرنا انہوں نے سیکھ لیا ہے۔
سلمان نے دونوں اداکاروں کے ماضی کے اختلاف کی وجہ بیان کی، کہا کہ عامر ایک فلم کر رہے تھے جبکہ میں 15 فلموں میں مصروف تھا۔ عامر صبح 7 بجے سیٹ پر پہنچتے تھے، جبکہ میں دوسری فلم کی شوٹنگ مکمل کرنے کے بعد دیر سے پہنچتا تھا۔“
اس پر عامر نے مزاحیہ انداز میں کہا کہ وہ بھی اسی طرح کام کرتے تھے لیکن پھر رک گئے۔
جس پر سلمان نے مزاحیہ انداز میں جواب دیا کہ عامر بھی ایسا کر سکتے ہیں لیکن اس کیلئے انہیں گھر سے نکلنا پڑے گا۔
