جامشورو: نوری آباد کے قریب مسافر بس اور ٹرالر میں خوفناک تصادم کے نتیجے میں 1 شخص جاں بحق جبکہ متعدد زخمی ہوگئے۔
تفصیلات کے مطابق جامشورو ایم نائن موٹروے پر نوری آباد کے قریب کوچ اور ٹریلر میں ٹکر ہوگئی، ٹریفک حادثے میں کوچ میں سوار ایک شخص جاں بحق ہوگیا۔
ریسکیو حکام کا کہنا ہے کہ حادثے میں 12 افراد زخمی ہوگئے جس میں خواتین اور بچے بھی شامل ہیں، حادثہ تیز رفتار کے باعث پیش آیا، کوچ پشاور سے کراچی جارہی تھی۔
- Advertisement -
حادثے میں جاں بحق 60 سالہ مشتاق حسین کا تعلق پشاور سے ہے، حادثے کے بعد مسافر کوچ اور ٹریلر کو پولیس نے تحویل میں لے لیا جبکہ دونوں ڈرائیور فرار ہوگئے۔
