بھارت میں نریندر مودی کی حکومت نے آٹھویں پے کمیشن کے قیام کو منظوری دے کر سرکاری ملازمین کو ایک بڑی خوشخبری سنادی۔
بھارتی میڈیا رپورٹس کے مطابق کمیشن مرکزی حکومت کے ملازمین کی تنخواہوں، الاؤنسز، پنشن اور دیگر مراعات کا جائزہ لے گا اور ان کی تنخواہوں میں اضافے کی سفارش کرے گا۔
رپورٹس کے مطابق پے کمیشن 2026 تک اپنی رپورٹ پیش کرے گا۔ سرکاری ملازمین کو مارچ کے ماہ میں ایک اور تحفہ ملنے کی امید ہے۔
واضح رہے کہ مرکزی حکومت ہر چھ ماہ بعد مہنگائی الاؤنس (DA) میں اضافہ کرتی ہے، جبکہ اس بار بھی حکومت مہنگائی الاؤنس (DA) بڑھا سکتی ہے۔ سال کی پہلی ششماہی کے الاؤنس پر فیصلہ مارچ کے ماہ میں لیا جاتا ہے، ایسے میں توقع ہے کہ جنوری سے جون 2025 کے الاؤنس پر فیصلہ مارچ میں لیا جائے۔
آپ کو بتا دیں کہ مرکزی ملازمین کا الاؤنس فی الحال 53 فیصد ہے۔ میڈیا رپورٹس کے مطابق توقع ہے کہ 2025 کی پہلی ششماہی میں الاؤنس میں تین سے چار فیصد اضافہ ہوسکتا ہے۔ اگر ایسا ہوتا ہے تو حکومت کے اس اقدام سے تقریباً 50 لاکھ مرکزی حکومت کے ملازمین اور تقریباً 65 لاکھ پنشنرز کو فائدہ پہنچے گا۔
مہنگائی الاؤنس میں اضافے کے علاوہ، حکومت نے کئی دیگر متعلقہ الاؤنسز میں بھی اضافہ کیا ہے، جن میں معذور خواتین کے بچوں کے لیے خصوصی الاؤنس، ہاؤس رینٹ الاؤنس (HRA)، ٹف لوکیشن الاؤنس، کنوینس الاؤنس، چلڈرن ایجوکیشن الاؤنس، ہوٹل رہائش اور ٹورنگ اسٹیشن الاؤنس شامل ہے۔
بھارت میں ہوائی جہاز کو دھکا لگانے کی ویڈیو سوشل میڈیا پر وائرل
واضح رہے کہ مہنگائی الاؤنس (DA) ملازم کی بنیادی تنخواہ کا ایک حصہ ہے، جو ان کے رہنے کے اخراجات پر افراط زر کے اثرات کو کم کرنے کے لیے ڈیزائن کیا گیا ہے۔ یہ الاؤنس باقاعدگی سے ایڈجسٹ کیا جاتا ہے۔
