بھارتی فلم اسٹار سیف علی خان پر باندرہ میں واقع رہائش گاہ میں 15 اور 16 جنوری کی درمیانی شب ہونے والے چاقو حملے کے بعد ممبئی پولیس کی جانب سے حملہ آور کی شناخت اور ممبئی پولیس کی ساکھ پر سوالات کھڑے ہوگئے ہیں۔
گرفتار ملزم کے حوالے سے سوشل میڈیا صارفین نے اپنے شکوک و شبہات کا اظہار کرتے ہوئے کہا کہ آیا اس کیس میں گرفتار ملزم محمد شریف الاسلام شہزاد واقعی وہی شخص ہے جس نے سیف علی خان پر ان کے گھر پر حملہ کیا تھا۔
رپورٹس کے مطابق ملزم کی گرفتاری کے بعد پولیس کی جانب سے جاری متعدد رپورٹس میں دعویٰ کیا گیا ہے کہ ملزم نے اداکار کے گھر پر غربت کے باعث چوری کی واردات کی۔
صارفین سوشل میڈیا پر ملزم کی تصاویر جاری ہونے کے بعد سوال اُٹھا رہے ہیں کہ کیا یہ واقعی وہی شخص ہے جس نے سیف پر حملہ کیا تھا۔
سوشل میڈیا صارفین نے نشاندہی کی کہ گرفتار ہونے والا شخص حملے کے فوراً بعد سامنے آنے والی پہلی سی سی ٹی وی فوٹیج میں نظر آنے والے شخص سے مختلف بہت مختلف مختلف ہے، تاہم ممبئی پولیس نے اس معاملے پر خاموشی اختیار کی ہوئی ہے۔
واضح رہے کہ بھارتی اداکاراہلیہ اور بچوں کی حفاظت کیلئے اپنے گھر میں گھسنے والے ڈکیت سے جھڑپ کے باعث حملہ آور کے چاقو کے وار سے زخمی ہوگئے تھے۔
سیف علی خان کی جلد صحت یابی کے پیچھے کیا وجوہات ہیں؟ ڈاکٹرز نے بتا دیا
میڈیا رپورٹس کے مطابق ڈکیت اوربھارتی اداکارکی جھڑپ میں چھوٹے نواب کو چھ ضربیں لگیں جن میں سے 2 خاصی گہری تھیں۔
