کراچی : وزیر اعلی سندھ مراد علی شاہ نے جامعات کی قانون سازی کوواپس نہ لینے کا اعلان کرتے ہوئے کہا کہ باہر سے وفد آیا ان کے نام پر ہوٹل اور ٹکٹ کے پیسے وی سی کھا گیا۔
تفصیلات کے مطابق وزیراعلی سندھ مراد علی شاہ نے جامعات کی قانون سازی کوواپس نہ لینے کا اعلان کر دیا۔
مراد علی شاہ کا کہنا تھا کہ اپنی غلطی تسلیم کرتا ہوں، ایسے بھی وائس چانسلرزمنتخب ہوئے جو جنسی ہراسگی میں م اور بعض وائس چانسلرز مالی فراڈ میں ملوث نکلے۔
انھوں نے کہا کہ باہر سے وفد آیا ان کے نام پر ہوٹل اور ٹکٹ کے پیسے وی سی کھا گیا، میں اس وائس چانسلرکو نہیں نکال سکتا کیونکہ وہ عدالت چلے گئے، اس کے لیے قانون سازی ضروری ہے۔
وزیراعلی سندھ کا کہنا تھا کہ پروفیسرز میدان میں آئیں وائس چانسلر بنیں کس نے روکا، یہ کہنا غلط ہے کہ بیوروکریٹس کیلئے وائس چانسلرز کی راہ ہموار کی۔
انھوں نے مزید کہا کہ بہت سارے وائس چانسلرز کےپاس فائنانشل اسکلز نہیں، انہوں نے جامعات کو تباہ کر دیا ہے،یہ صوبے کے بچوں کے پیسے ہیں، ہمیں فیڈرل ایچ ای سی سے خیرات نہیں چاہیے یہ رقم بھی خود دیں گے۔
خیال رہے سندھ بھر کی سرکاری جامعات کے اساتذہ ترمیمی ایکٹ کے خلاف سراپا احتجاج ہیں اور ڈٹ گئے ہیں اور کہا کسی بھی صورت سول سرونٹس جامعات میں وائس چانسلرز تعینات ہونے نہیں دیں گے۔
اساتذہ نے اجتجاج کے ساتویں روز بھی سندھ میں کلاسوں کا بائیکاٹ کیا،جامعات میں تدریس عمل معطل رہا حصول علم کا سلسلہ رک گیا ہے۔
