ممبئی پولیس کو شبہ کے چاقو کے وار سے شدید زخمی ہونے والے سیف عالی خان پر اس رات ایک سے زائد لوگوں نے حملہ کیا تھا۔
بالی ووڈ اسٹار سیف علی خان پر حملے کے حوالے سے ممبئی پولیس نئے زاوئے سے تحقیقات کررہی ہے، پولیس کو لگتا ہے کہ سیف پر جس طرح 6 بار چاقو کے وار کیے گئے اس حملے میں ایک سے زائد لوگ ملوث ہیں۔
حملے کے تیسرے دن 19 جنوری کو پولیس نے شرف الاسلام شہزاد نامی بنگلہ دیشی شخص کو حراست میں لیا تھا جبکہ عدالت نے پولیس کو 29 جنوری تک ملزم کی پولیس کسٹڈی گرانٹ کی تھی۔
سیکیورٹ ذرانع نے بھارتی ذرائع ابلاغ کو بتایا کہ بنگلہ دیش سے تعلق رکھنے والا ملزم اتھارٹیز کے ساتھ تعاون نہیں کررہا ہے، اس نے اب تک نہیں بتایا کہ ہے اس نے سیف پر حملہ کرنے کے لیے کس دکان سے چھری خریدی تھی۔
میڈیا میں سامنے آنے والے نئی افواہوں کے مطابق سیف کے دوست افسر زیدی ممبئی کے لیلاوتی اسپتال لے کر آئے تھے کیوں کہ انہی کا نام سیف کے میڈیکل فارم میں لکھا ہے۔
افسر زیدی نے اس بات کی تصدیق کی ہے کہ وہ اسی رات فوری طور پر اسپتال پہنچ گئے تھے، تاہم سیف کو لے کر اسپتال جانے والے وہ نہیں تھے، پٹودی فیملی کی جانب سے فون کال کے بعد وہ فوری طور پر اسپتال پہنچے تھے۔
خیال رہے کہ سیف علی خان 16 جنوری کو گھر کے اندر چاقو حملے میں شدید زخمی ہوگئے تھے جس کے بعد ایک رکشہ ڈرائیور نے انہیں اسپتال منتقل کیا تھا جہاں وہ 5 دن زیرِ علاج رہنے کے بعد ڈسچارج ہوئے تھے۔
