کیپٹو پاور پلانٹس کیلئے گیس 500 روپے فی ایم ایم بی ٹی یو مہنگی کردی گئی، گھریلو صارفین کیلئے گیس کی قیمتیں برقرار رہیں گی۔
کیپٹو پاور پلانٹس کیلئے گیس کی قیمت بڑھاتے ہوئے 3ہزار سے بڑھا کر 3500 روپے فی ایم ایم بی ٹی یو کردی گئی، اوگرا کی جانب سے رواں مالی سال کےلئے گیس کی قیمتوں کا نوٹیفکیشن جاری کردیا گیا ہے۔
اوگرا نے کہا کہ گھریلو صارفین اور روٹی تندور صارفین کیلئے گیس کی قیمتیں برقراررکھنے کا فیصلہ کیا گیا ہے، کمرشل، سی این جی اور سیمنٹ سیکٹر کےلئے گیس کے نرخ بھی برقرار رہیں گے۔
اس حوالے سے اوگرا نے مزید کہا کہ فرٹیلائزر اور پاور سیکٹر کےلئے بھی گیس کے موجودہ نرخ برقرار رہیں گے، کیپٹو پاور پلانٹس کیلئے گیس نرخوں میں اضافے کا اطلاق یکم فروری 2025 سے ہوگی۔
خیال رہے کہ دو ہفتے قبل کیپٹو پاور پلانٹس کے لیے گیس کی قیمتیں بڑھانے کے سلسلے میں حکومت مخمصے کا شکار ہو گئی تھی۔
ذرائع وزارت خزانہ کے مطابق کیپٹو پاور پلانٹس کے لیے گیس ٹیرف میں اضافے پر فیصلہ نہیں ہو سکا تھا، پلانٹس ٹیرف میں اضافے کی تجویز ماننے سے انکاری تھے، تاہم اب گیس کی قیمتیں بڑھادی گئی ہیں۔
کیپٹو پاور پلانٹس کے لیے گیس کی قیمتیں بڑھانے کا فیصلہ نہ ہو سکا، حکومت مخمصے کا شکار
