بھارتی فلم انڈسٹری کی معروف آنجہانی اداکارہ سری دیوی کی شخصیت نہ صرف سلور اسکرین بلکہ اس سے بھی آگے اپنے اندر ایک کشش رکھتی تھی۔
بھارتی میڈیا رپورٹس کے مطابق معروف بھارتی اداکارہ سری دیوی کا فروری 2018 میں دبئی میں انتقال ہوگیا تھا۔ ان کی اچانک موت نے مداحوں کو حیران کردیا تھا۔
معروف سینئر وکیل مجید میمن جو متعدد بھارتی فلمی شخصیات کی عدالتوں میں ہائی پروفائل کیسز میں نمائندگی کرچکے ہیں، انہوں نے ایک انٹرویو کے دوران ایک ناقابل فراموش واقعہ سنایا۔
دوران انٹرویو اُن کا کہنا تھا کہ ایک مجسٹریٹ نے آنجہانی اداکارہ کو ان کے کیریئر کے عروج کے دور میں ایک کیس میں صرف اداکارہ کو دیکھنے کیلئے اصرار کیا کہ انھیں عدالت میں بلایا جائے۔
سینئر وکیل کا کہنا تھا کہ میں نے پوری کوشش کی کہ مجسٹریٹ صاحب سری دیوی کو حاضری سے استثنیٰ دیدیں، مگر یہ کرنے میں مجھے ناکامی کا سامنا کرنا پڑا، بلآخر جب اداکار عدالت میں پیش ہوئیں تو وہاں ایک بے قابو جم غفیر جمع ہوگیا، جو قابو سے باہر تھا۔
فاطمہ ثناء شیخ نے کاسٹنگ کاؤچ کا تلخ تجربہ بیان کردیا
واضح رہے کہ سینئر وکیل مجید میمن مہاراشٹر سے راجیہ سبھا کے سابق رکن رہے ہیں۔ وہ ان دنوں اپنی خود نوشت مائی میمیور پر کام کر رہے ہیں جس میں وہ اس قسم کے واقعات کو جمع کرنے میں مصروف ہیں۔
