ایران کے سپریم لیڈر آیت اللہ خامنہ ای نے کہا ہے کہ غزہ میں فلسطینیوں نے اسرائیل کو گھٹنے ٹیکنے پر مجبور کیا۔
تہران میں سرکاری حکام سے گفتگو کرتے ہوئے انہوں نے کہا کہ ہتھیاروں سے لیس اور امریکی حمایت کے باوجود اسرائیل گھٹنے ٹیکنے پر مجبور ہوا۔
آیت اللہ خامنہ ای کی جانب سے یہ بیان 15 ماہ سے جاری غزہ جنگ کے اختتام پر اسرائیل اور حماس میں جنگ بندی معاہدے کے ردعمل میں آیا ہے۔
اس دوران ایرانی وزیر خارجہ عباس عراقچی نے امریکی صدر ڈونلڈ ٹرمپ کے فلسطینیوں کی نقل مکانی کے منصوبے کا مذاق اڑاتے ہوئے کہا کہ اس کے بجائے اسرائیلیوں کو اس مسئلے کے حل کے لیے گرین لینڈ بھیجا جانا چاہیے۔
ان کا کہنا تھا کہ فلسطینیوں کے بجائے، اسرائیلیوں کو نکالنے کی کوشش کریں انہیں گرین لینڈ لے جائیں، ایک پتھر سے دو پرندے مارے جائیں۔
