اداکار الو ارجن کی ’فلم پشپا 2 ‘ کے پریمیئر کے دوران سندھیا تھیٹر میں بھگدڑ کے بعد تلنگانہ ہائیکورٹ نے اہم فیصلہ سنادیا۔
بھارتی میڈیا کے مطابق جسٹس بی وجے سین ریڈی نے یہ حکم دو درخواستوں کی سماعت کے دوران دیا جن میں غیر معمولی شوز اور ٹکٹ کے اضافے پر اعتراض کیا گیا تھا۔
بھارتی میڈیا کے مطابق عدالت نے پشپا 2 اور رام چرن کی فلم گیم چینجر کے لیے اسپیشل شوز کے خلاف دائر درخواستوں پر سماعت کرتے ہوئے تھیٹرز میں بچوں کے داخلے کو صبح 11 بجے سے پہلے اور رات 11 بجے کے بعد محدود کرنے کا حکم دیا۔
عدالت نے حکومت اور تھیٹر انتظامیہ کو ہدایت جاری کرتے ہوئے کہا کہ 16 سال سے کم عمر بچوں کو صبح 11 بجے سے پہلے اور رات 11 بجے کے بعد شوز دیکھنے کی اجازت نہ دی جائے۔
واضح رہے کہ یہ فیصلہ پشپا 2 کے دوران بھگدڑ کے باعث ایک خاتون کی ہلاکت اور 10 سالہ لڑکے کے شدید زخمی ہونے کے بعد آیا، عدالت نے ریاستی حکومت پر اضافی شوز اور ٹکٹ بڑھانے کی اجازت دینے پر برہمی کا اظہار بھی کیا۔
’پشپا 2‘ کے پریمیئر کے دوران بھگدڑ میں زخمی ہونیوالے بچے کی حالت تشویشناک
