بالی ووڈ کے معروف اداکار سیف علی خان اور ادکارہ کرینہ کپور کے پی آر مینیجر نے اداکار پر حملے کے بعد پاپرازیوں سے درخواست کی ہے۔
بھارتی میڈیا رپورٹ کے مطابق بالی ووڈ اداکار سیف علی اور ان کی اہلیہ کرینہ کپور نے حملے کے بعد میڈیا سے بچوں کی تصاویر نہ لینے کی درخواست کی ہے۔
بھارتی میڈیا کا کہنا ہے کہ حال ہی میں گھر میں ڈکیتی اور زخمی ہونے کے بعد اداکار سیف علی خان اور کرینہ کپور کی جانب سے یہ درخواست کی گئی ہے۔
یہ بھی پڑھیں: چاقو حملے کے بعد سیف علی خان نے پہلا بیان جاری کر دیا
چاقو حملے کے بعد سیف علی خان نے پہلا بیان جاری کر دیا
سیف علی خان حملہ کیس میں گرفتار ملزم کے وکیل کا بڑا دعویٰ
بھارتی میڈیا کا کہنا ہے کہ جوڑے کے منیجر کی جانب سے پاپارازیسے دونوں بچوں تیمور اور جہانگیر (جے) کی تصاویر نہ لینے کی درخواست کی گئی ہے۔
ادکار کرینہ اور سیف کے منیجر نے سے کہا ہے کہ گارڈن ہو، کوئی تقریب یا کسی کھیل کی سرگرمی، بچے چاہے کہیں بھی کیوں نہ ہوں ان کی تصویر نہ لی جائے البتہ سیف اور کرینہ کی کسی بھی تقریب کی تصویر لی جاسکتی ہے۔
بھارتی میڈیا کا کہنا ہے کہ سیف علی اور کرینہ کپور کے منیجر نے مزید کہا کہ فوٹو گرافرز ان کی رہائش گاہ کےباہر موجود نہ رہیں اور ان کی گھر آمدورفت کی تصاویر بھی نہ لی جائیں۔
یاد رہے کہ 16 جنوری 2025 کی شب حملہ آور نے سیف علی خان کے گھر میں گھس کر ان پر چاقو سے حملہ کیا تھا جس کے باعث وہ تقریباً ایک ہفتہ اسپتال میں زیرِ علاج رہے۔
پولیس معاملے کی تحقیقات میں مصروف ہے تاہم شریف الاسلام کی گرفتار کے علاوہ پولیس کو اب تک خاطر خواہ کامیابی حاصل نہیں ہو سکی اور کیس مزید الجھتا جا رہا ہے۔
