جنوبی سوڈان میں طیارہ گرنے سے کم از کم 20 افراد ہلاک ہو گئے۔
یونٹی اسٹیٹ کے وزیر اطلاعات نے بتایا کہ جنوبی سوڈان کے شمال میں ایک طیارے کے حادثے میں کم از کم 20 افراد ہلاک ہو گئے ہیں۔
یہ طیارہ بدھ کو دارالحکومت جوبا کے لیے ٹیک آف کرنے کے فوراً بعد صبح 10:30 بجے (08:30 GMT) یونٹی اسٹیٹ میں آئل فیلڈز کے قریب گرا۔
حکام نے اے ایف پی نیوز ایجنسی کو بتایا کہ طیارہ ہوائی اڈے سے 500 میٹر کے فاصلے پر گر کر تباہ ہوا جس میں 21 افراد سوار تھے جس میں سے صرف ایک کے زندہ بچنے کی اطلاعات ہیں۔
وزیر نے بتایا کہ زندہ بچ جانے والا شخص جنوبی سوڈانی انجینئر ہے جو آئل فیلڈ میں کام کرتا ہے۔
انہوں نے مزید کہا کہ یہ طیارہ گریٹر پاینیر آپریٹنگ کمپنی (GPOC) کی طرف سے چارٹرڈ اور لائٹ ایئر سروسز ایوی ایشن کمپنی کے ذریعے چلایا جاتا ہے جو علاقے میں معمول کے مشن پر تھا۔
