لاہور: آئی سی سی چیمپیئنزٹرافی 2025 کے ٹکٹس آن لائن فروخت کیلئے پیش کیے گئے، پاکستان سمیت متعدد ٹیموں کے میچز کے ٹکٹ مکمل فروخت ہوگئے۔
تفصیلات کے مطابق پہلےمرحلےمیں 30 فیصد ٹکٹس آن لائن فروخت کےلیے پیش کیے گئے، پاکستان، نیوزی لینڈ، آسٹریلیا، انگلینڈ اور بنگلادیش کے میچز کے ٹکٹس مکمل فروخت ہوگئے، ایونٹ کا پہلا میچ پاکستان اور نیوزی لینڈ کے درمیان 19 فروری کو کراچی میں ہوگا۔
آسٹریلیا اور انگلینڈ کا میچ 22 فروری کو لاہور میں ہوگا، پاکستان اور بنگلادیش کا میچ 27 فروری کو راولپنڈی میں شیڈول ہے۔
چیمپئنز ٹرافی کے ٹکٹ فروخت کرنے والی ویب سائٹ کریش کر گئی!
دوسرے مرحلے میں چیمپئنزٹرافی 2025 کے فزیکل ٹکٹس 3 فروری سے فروخت ہوں گے، پاکستان کرکٹ بورڈ کا کہنا ہے کہ ٹکٹوں کی فروخت پر عوامی ردعمل خوش آئند ہے۔
پی سی بی نے کہا کہ چند گھنٹوں میں ٹکٹس کی فروخت شائقین کی دلچسپی کی عکاس ہے، پاکستانی شائقین اپنی ٹیم کیساتھ کھڑےہیں جو اچھی خبر ہے، زیادہ سے زیادہ تماشائیوں کو میچز دکھانے کی سہولت فراہم کریں گے۔
