اسلام آباد : حکومت نےپی ٹی آئی کے چارٹر آف ڈیمانڈ کا جواب دے دیا، جس میں جوڈیشل کمیشن کے بجائے خصوصی یا پارلیمانی کمیٹی بنانے کی تجویز دی ہے۔
تفصیلات کے مطابق حکومت اورتحریک انصاف کےدرمیان مذاکرات کے معاملے پر حکومت نے پی ٹی آئی کے چارٹر آف ڈیمانڈز کا جواب اسپیکر کے حوالے کردیا۔
حکومتی ذرائع نے بتایا کہ حکومت نے جوڈیشل کمیشن بنانے سےمتعلق یکسرانکارنہیں کیا اور کمیشن کےمتبادل خصوصی یاپارلیمانی کمیٹی بنانےکی تجویزدی۔
ذرائع کا کہنا تھا کہ اسپیکرکی سربراہی میں موجودہ کمیٹی کوہی پارلیمانی کمیٹی کادرجہ دینےکی تجویز دی ، حکومت نے جواب میں ان حالات کا ذکر کیا، جن میں عدالتی کمیشن بن سکتا اور ان وجوہات کا بھی ذکر کیا، جن میں کمیشن نہیں بن سکتا۔
ذرائع نے کہا کہ 9 مئی پہلے ہی عدالت میں زیرسماعت ہےکمیشن بنانےسےمتعلق رائےمانگی گئی، حکومت کےجواب میں اس حوالے سےآئینی وقانونی نکات کا حوالہ دیا گیا،
ذرائع نے بتایا کہ حکومت نے تحریک انصاف کےلاپتہ افرادکی فہرست فراہم کرنے کا مطالبہ کیا اور بانی پی ٹی آئی سمیت دیگر قیدیوں کی رہائی سےمتعلق قانونی وعدالتی فیصلوں کاحوالہ دیا۔
ذرائع کا کہنا تھا کہ حکومت نے قانونی طور پر ان کی عدالتوں سے ضمانت یا رہائی پر کوئی اعتراض نہیں اٹھایا۔
اسپیکر قومی اسمبلی ایاز صادق یا حکومت جواب کو ابھی پبلک نہیں کریں گے، تحریک انصاف مذاکرات میں واپس آئے گی تو جواب کمیٹی میں پیش ہوگا۔
وزیراعظم شہبازشریف کو تمام تر صورتحال سے آگاہ کردیا گیا ، اسپیکر کمیٹی برقرار رکھنے جبکہ حکومت 31جنوری کے بعد کمیٹی ختم کرنے کی خواہاں ہیں۔
