سعودی عرب کے مغربی علاقے جیزان کے قریب ایک سڑک حادثے میں 9 بھارتی شہری ہلاک ہوگئے۔
بھارتی میڈیا کے مطابق جدہ میں بھارتی قونصل خانے نے اس خبر حادثہ کی تصدیق کردی ہے، تاہم فوری طور پر اس بات کی تصدیق نہیں ہوئی کہ مرنے والوں کا تعلق بھارت کی کس ریاست سے ہے۔
بھارتی قونصل خانے نے متاثرہ خاندانوں کو مکمل تعاون کی یقین دہانی کرائی ہے اور مقامی حکام کے ساتھ رابطے میں ہے۔ مدد کے لیے ایک خصوصی ہیلپ لائن بھی قائم کردی گئی ہے۔
بھارتی وزیر خارجہ نے بھی ایکس پر اپنے پیغام میں افسوس کا اظہار کرتے ہوئے کہا کہ اس حادثے اور قیمتی جانوں کے ضیاع کی خبر سن کر دلی افسوس ہوا، میں نے جدہ میں ہندوستانی قونصل جنرل سے بات کی ہے، جو متاثرہ خاندانوں سے رابطے میں ہیں اور انہیں مکمل مدد فراہم کر رہے ہیں۔
اس سے قبل سعودی عرب میں منشیات اسمگل کرنے کا جرم ثابت ہونے پر7 شہریوں کو سزائے موت سنادی گئی۔
سعودی وزارت داخلہ کا اس حوالے سے کہنا ہے کہ 7 سعودی شہریوں کو منشیات اسمگل کرنے کے جرم میں موت کی سزا سنائی گئی۔
سعودی عرب: ہلال الاحمر نے عمرہ زائر کی زندگی بچالی
سعودی وزارت داخلہ کے مطابق عدالت کی جانب سے 7 شہریوں کو مملکت میں منشیات حاصل کرنے اور اسمگل کرنے کا مجرم قرار دیا گیا۔
