اسلام آباد: نپیرا نے حکومتی دعووں کی قلعی کھول دی، سالانہ رپورٹ کے مطابق سال دوہزار بیس تک بھی لوڈشیئڈنگ کا خاتمہ نہیں ہوگا۔
نیپرا نے اسٹیٹ آف انڈسٹری پورٹ جاری کر دی ہے، نیپرا کے مطابق سال دوہزار بیس میں بھی ملک کو بارہ سو میگاواٹ بجلی کے شارٹ فال کا سامنا ہوگا۔
رپورٹ کے مطابق ترسیلی کمپنیوں کی جانب سے چوری اور بلوں کی وصولی میں ناکامی کے باعث سرکلر ڈیٹ کے مسئلے کا دیرپا حال نہیں مل پایا اور حکومت کے ادا کئے گئے چار سو اسی ارب روپے عوام کو پائیدار ریلیف نہیں دے پائیں گے۔
رپورٹ کے مطابق کراچی الیکٹرک کو آئندہ سال گیارہ سو بتیس میگاواٹ شارٹ فال کا سامنا رہے گا۔
نیپرا کے مطابق کے الیکٹَرک کے معاہدے میں دستیاب وسائل کو بروئے کار لانا شامل تھا اور کے الیکٹرک نے معاہدے کی خلاف ورزی کی ہے ۔
نیپرا کے مطابق نیپرا اوور بلنگ پر کے الیکٹرک سمیت دیگر ترسیلی کمپنیوں پر جرمانے بھی عائد کئے۔
