چار شادیاں کرنے کے بعد ایک شخص نے خود کو کنوارا بتا کر پانچویں شادی کی تو اس کی پہلی بیوی نے موقع پر پہنچ کر تقریب کو میدان جنگ بنوا دیا۔
یہ واقعہ بھارت کے ایک گاؤں سن پور میں پیش آیا۔ یہاں چار شادیاں کرنے والے ایک شخص نے خود کو کنوارا ظاہر کر کے پانچویں شادی کی لیکن پہلی بیوی نے موقع پر پہنچ کر شادی کی تقریب کو میدان جنگ بنوا دیا۔
بھارتی میڈیا کے مطابق ایک شخص انجنا گاؤں کا رہائیشی بتایا جاتا ہے اور پہلے سے چار شادیاں کر چکا تھا۔ اس نے خود کو کنوارا ظاہر کر کے ایک لڑکی کو اپنے پیار کے جال میں پھنسایا اور پھر گاؤں کے مولوی سے نکاح بھی پڑھوا لیا لیکن اس کے بعد اس کی چار شادیوں کا راز فاش ہوگیا۔
رپورٹ کے مطابق مذکورہ شخص کی پہلی بیوی کو جب اپنے شوہر کے پانچویں شادی کا علم ہوا تو وہ رنگ میں بھنگ ڈالنے وہاں جا پہنچی اور گاؤں والوں کو شوہر کی اصلیت سے آگاہ کیا جس کے بعد تو اس شخص کو لینے کے دینے پڑ گئے۔
گاؤں والے جو اب تک اسے داماد کے طور وی آئی پی برتاؤ کر رہے تھے۔ یہ سن کر آپے سے باہر ہوئے اور مذکورہ شخص کو بری طرح پیٹ ڈالا۔
اس موقع پر خاتون نے گاؤں والوں کو اپنی روداد بتاتے ہوئے کہا کہ وہ ملزم کی پہلی بیوی ہے اور اس کی شادی 2013 میں ہوئی تھی، جس سے اس کے دو بچے ایک بیٹا اور ایک بیٹی ہے۔
خاتون نے بتایا کہ اس کے شوہر نے مزید تین شادیاں بھی کیں۔ وہ اس پر شراب کے نشے میں دھت ہوکر تشدد بھی کرتا ہے، تاہم اس سب کے باوجود وہ اس سے نبھاہ کرتے ہوئے ساتھ رہ رہی ہے۔ اب وہ حکام سے انصاف چاہتی ہے۔
