کراچی: امریکی قونصلیٹ کی شکایت پر ایف آئی اے نے کارروائی کرتے ہوئے جعلی دستاویز پر امریکا کا ویزا لینے کی کوشش کرنے والے ملزمان کو گرفتار کرلیا۔

اے آر وائی نیوز کے مطابق ایف آئی اے نے کارروائی کرتے ہوئے جعلی دستاویز پر امریکا کا ویزا لینے کی کوشش کرنے والے 12 ملزمان کو گرفتار کیا ہے جس میں خاتون بھی شامل ہے۔

ترجمان ایف آئی اے کا کہنا ہے کہ جعل سازی کرنے والے افراد کو قونصل خان ےکے باہر سے گرفتار کیا گیا ہے۔

ایف آئی اے کے مطابق ملزمان میں نثار خان، ملک محمد اسفند، حزیفہ ملک، عمر حیات، ذیشان علی، سید وصی احمد، قرۃ العین فاطمہ، شہروز بابر، عاقب آفریدی، اسامہ امتیاز، عبدالباسط، محمد فرقان احمد شامل ہیں۔

گرفتار ملزمان کو ایف آئی اے اینٹی ہیومن ٹریفکنگ سرکل منتقل کردیا گیا ہے۔