لاہور میں سوتیلی ماں نے مبینہ طور پر تین سالہ بیٹی کو قتل کردیا۔
اے آر وائی نیوز کے مطابق لاہور کے علاقے جنوبی چھاؤنی میں سوتیلی ماں نے مبینہ طور پر تین سالہ بیٹی کی جان لے لی، مقتولہ کے والد سفیان کی مدعیت میں واقعے کا مقدمہ درج کرلیا گیا۔
مقدمے کے متن کے مطابق سفیان کی پہلی بیوی سے تین بچے تھے جس کا انتقال ہوگیا جس کے بعد سفیان نے علینا سے دوسری شادی کی جو بچوں پر تشدد کرتی تھی۔
مقدمے کے مطابق علینہ تین سالہ حریم کو مار رہی تھی اچانک بچی کا والد پہنچ گیا۔
بچی کو زخمی حالت میں اسپتال منتقل کیا گیا جہاں وہ دوران علاج دم توڑ گئی، پولیس کا کہنا ہے کہ ملزمہ کو گرفتار کرلیا، لاش تحویل میں لے کر کارروائی شروع کردی گئی ہے۔
