سیکریٹری اطلاعات پی ٹی آئی شیخ وقاص اکرم نے کہا ہے کہ شریفوں کا شر کیسے منتقل ہوتا ہے رفیق تارڑ مرحوم کا گھرانہ اسکی بہترین مثال ہے۔
وفاقی وزیراطلاعات عطا تارڑ کے بیان پر پی ٹی آئی رہنما شیخ وقاص اکرم کا ردعمل آیا ہے، انھوں نے کہا کہ جاتی امرا کے لٹیرے ضمیر ہی نہیں خریدتے، اخلاقی انحطاط کے بیج بھی بوتے ہیں، شریفوں نے جس دھندے پر دادا کو لگایا پوتا بھی اسی کو نوکری کی بقا کا وسیلہ بنائے ہوئے ہے۔
شیخ وقاص اکرم نے کہا کہ عطاتارڑ میں شرم ہوتی تو القادر پر پروپیگنڈے سے قبل دادا کی بریف کیسز کی کہانی سن لیتے۔
پی ٹی آئی کے مرکزی رہنما نے کہا کہ القادر کرپشن کا نہیں، انصاف کی نیلامی کا مقدمہ ہے، نااہل اور نکموں کا ہردن پاکستان کیلئے مزید خطرناک اور تباہ کن ثابت ہورہا ہے۔
انھوں نے کہا کہ جب جب یہ اقتدار پر بٹھائے گئے ملک اور عوام کو افلاس اور غربت نے گھیرا ہے، وزیراعظم اور اس کے بچوں کو 24 ارب کے ڈاکے کا حساب دینا ہے۔
پاکستان تحریک انصاف کے سیکریٹری اطلاعات نے مزید کہا کہ کسانوں، محنت کشوں اور مزدوروں کے معاشی قتل کو رواج دے کر قومی خزانے کو لوٹا گیا۔
8 فروری کو احتجاج پُرامن، آئینی اور بڑا ہوگا، شیخ وقاص اکرم
