کراچی : جناح انٹرنیشنل ایئرپورٹ پرموبائل فونز اسمگلنگ کی کوشش ناکام بنادی گئی، دو ملزمان رنگے ہاتھوں پکڑے گئے۔

اے آر وائی نیوز کی رپورٹ کے مطابق کسٹمز حکام نے کراچی ایئرپورٹ پر موبائل فونز اسمگلنگ کی کوشش ناکام بناتے ہوئے 2مسافروں کو پکڑ لیا۔

 تھائی لینڈ سے کراچی آنے والے 2 مسافروں سے 23موبائل فون برآمد کرلیے گئے ہیں۔ ڈپٹی کلکٹر کسٹم کراچی ایئرپورٹ کشمالہ تحسین نے بتایا کہ ملزمان کے قبضے سے برآمد کیے گئے موبائل فونز کی مجموعی مالیت 35 لاکھ روپے تک ہے،۔

مسافر محمد جنید اور فیضان تھائی ایئر کی پرواز "ٹی جی 341 کے ذریعے کراچی ایئرپورٹ پہنچے تھے، کسٹم کے عملے نے مسافروں سے موبائل فون ضبط کرکے انہیں جانے کی اجازت دے دی۔