پاکستانی شوبز انڈسٹری کی معروف اداکارہ و میزبان وینا ملک نے واضح کیا ہے کہ ان کے شہریار چوہدری نامی شخص سے اچھے تعلقات ہیں، مگر انہوں نے ان سے شادی کا فیصلہ نہیں کیا ہے۔
پاکستانی اداکارہ وینا ملک نے نجی چینل کے پروگرام میں شرکت کی، جہاں انہوں نے مختلف معاملات پر اپنا موقف واضح کیا۔
شہریار چوہدری سے تعلقات اور دوستی کے حوالے سے انہوں نے بتایا کہ میری اس سے اچھے تعلقات ہیں، شہریار چوہدری کو پہلے سے ہی جانتی تھی۔
معلوم تھا کہ ان کا تعلق اسلام آباد سے ہے لیکن وہ متحدہ عرب امارات (یو اے ای) کی ریاست دبئی میں مقیم ہیں، تاہم اس کے باوجود ان کا رابطہ انسٹاگرام کے ذریعے ہوا۔
اداکارہ کا کہنا تھا کہ شہریار چوہدری نے ماسٹر کی ڈگری حاصل کر رکھی ہے اور وہ خوبصورت شخص ہے، ان کے درمیان اچھے تعلقات اور دوستی ہے لیکن تاحال شادی کا حتمی فیصلہ نہیں کیا۔
ملک نے دعویٰ کیا ہے کہ انہیں تاحال شادی کے لیے متعدد پیش کشیں ملتی رہتی ہیں جبکہ ان کے والدین کے پاس بھی ان کے بہت رشتے آتے رہتے ہیں۔
وینا کا کہنا تھا کہ وہ سیدھی سادی حسن پرست عورت ہیں، انہیں شادی کے لیے دراز قد، خوبصورت اور مکمل چیزوں والا مرد ہی چاہیے۔
اداکارہ کا کہنا تھا کہ سانولی رنگت پسند نہیں، خواہش ہے کہ شوہر ان سے قد میں لمبا ہو، کیوں کہ وہ خود پانچ فٹ پانچ انچ کے قد والی ہیں۔
اذان سمیع نے دبئی سے کبریٰ خان کو تحفے میں کیا بھیجا؟
انہوں نے کہا کہ میں اس معاملے میں صاف ہوں کہ جو شخص بدصورت ہے تو وہ بدصورت ہی ہے، میں حسن پرست اور خوبصورتی کی قائل ہوں۔
